8 سرکاری اداروں کے اسپیشل آڈٹ کا فیصلہ

وزارتِ خزانہ کی ہدایت پر 8 سرکاری اداروں کے اسپیشل آڈٹ کا فیصلہ کر لیا گیا ہے۔

ذرائع کے مطابق پاکستان ریلویز، اےجی پی آر، پاکستان پوسٹ کے جی پی فنڈز کے علاوہ سینٹرل ڈائریکٹوریٹ آف نیشنل سیونگز کا بھی اسپیشل آڈٹ کیا جائے گا۔

ذرائع کا کہنا ہےکہ جیالوجیکل سروے آف پاکستان اور پاکستان پبلک ورکس ڈیپارٹمنٹ کا بھی اسپیشل آڈٹ ہوگا۔

ذرائع کے مطابق اس بات کا پتہ لگایا جائے گا کہ پراویڈنٹ فنڈ کی تقسیم قانون اور قاعدے کے مطابق کی جاتی ہے یا نہیں۔

ذرائع کا مزید کہنا ہے کہ اسپیشل آڈٹ کے لیے یہ تمام ادارے ٹیم کو ریکارڈ کی فراہمی اور سوالوں کے جواب دینے کے پابند ہوں گے۔

ذرائع کا یہ بھی کہنا ہے کہ اس بات کی ہدایت کی گئی ہے کہ اسپیشل آڈٹ کی رپورٹ 2 ماہ کے اندر فنانس ڈویژن کو بھیجی جائے گی۔