PIA کا برطانیہ کیلئے فلائٹ آپریشن جزوی بحال

حکومت پاکستان کی خصوصی ہدایات پر پی آئی اے نے برطانیہ کا آپریشن جزوی طور پر بحال کر دیا ہے اور 19 اپریل سے روزانہ لاہور اور اسلام آباد سے لندن، مانچسٹر اور برمنگھم کیلئےپروازیں چلائے گی ۔

ترجمان پی آئی اے کے مطابق انسانی ہمدردی کی بنیاد پر کرایوں میں خصوصی رعایت بھی متعارف کروادی گئی ہے، پروازیں آج صبح سے بکنگ کیلئے دستیاب ہیں۔

انہوں نے کہا کہ پھنسے شہریوں کو وطن واپس پہنچانا ہے اور پی آئی اے نے قومی مفاد میں فوری طور اپنی خدمات فراہم کردی ہیں، پروزاوں کی اجازت تمام حفاظتی اصولوں پر عمل درآمد کی یقین دہانی پر دی گئی ہے۔

ترجمان نے مزید بتایا کہ پی آئی اے نے یکطرفہ رعایتی کرایہ ایک لاکھ 10ہزار روپے یا 525 پاؤنڈ ہوگا، پروازوں پر پہلے سے بکنگ رکھنے والے مسافروں کو بھی ایڈجسٹ کیا جائے گا۔

نئی بکنگ کروانے والے مسافر فوری طور پر پی آئی اے کی ویب سائٹ یا دفاتر سے رجوع کریں، پروازیں آج صبح سے بکنگ کیلئے دستیاب ہیں اور بکنگ پہلے آئیے پہلے پائیے کی بنیاد پر کی جائیں گی۔

ترجمان نے بتایا کہ براہ راست پروازوں کی وجہ سے مسافروں کے وائرس سے پچاو ٔکے امکانات سب سے زیادہ ہیں۔