PIA کی خصوصی پروازیں کوالالمپور اور مانچسٹر روانہ

وفاقی دارالحکومت اسلام آباد سے قومی ایئر لائن (پی آئی اے) کی خصوصی پروازیں جاری ہیں۔

ذرائع کے مطابق پی آئی اے کی پرواز پی کے 894 اسلام آباد سے 192 مسافروں کو لے کر ملائیشیاء کے دارالحکومت کوالالمپور روانہ ہو گئی۔

ذرائع کا کہنا ہے کہ پی آئی اے کی فلائٹ نمبر پی کے 701 اسلام آباد سے 320 مسافروں کو لے کر برطانوی شہر مانچسٹر روانہ ہوئی ہے۔

ذرائع نے مزید بتایا ہے کہ ان دونوں پروازوں کے تمام مسافروں کی اسکریننگ کر کے مسافروں کو بورڈنگ کارڈ جاری کیے گئے تھے۔

ذرائع کا یہ بھی کہنا ہے کہ پرواز سے قبل پی آئی اے کی دونوں پروازوں کے مسافروں کے سامان اور جہاز کو مکمل ڈس انفیکٹ کیا گیا تھا۔