خیبرپختونخوا، افغان پناہ گزینوں کی رضا کارانہ واپسی آج سے شروع ہوگی

اسلام آباد (این این آئی)خیبرپختونخوا سے افغان پناہ گزینوں کی رضا کارانہ افغانستان واپسی (آج) پیر سے شروع ہوگی۔

اقوام متحدہ کے ادارے کے ایک ترجمان نے بتایا کہ افغانستان واپس جانے کے خواہشمند پناہ گزینوں کے اندراج کیلئے ضلع نوشہرہ کے علاقے اضاخیل میں ایک مرکز قائم کیا گیا ہے۔

انہوں نے کہا کہ یو این ایچ سی آر افغانستان میں سکونت کے بعد ان کیش منٹ سینٹر میں ہرافغان پناہ گزین کو دوسو ڈالر فراہم کررہا ہے۔

ترجمان نے کہا کہ پاکستان کے مختلف علاقوں میں چوبیس لاکھ افغان پناہ گزین مقیم ہیں جن میں سے دس لاکھ کا اندراج ہے۔