آٹا بحران پر حکومتی رویئے کیخلاف سینیٹ میں قرارداد منظور

اسلام آباد (اے پی پی، جنگ نیوز) سینیٹ نے ملک میں گندم اور آٹے کے حالیہ بحران اور ایف آئی اے کی انکوائری رپورٹ ایوان میں پیش کرنے اور حکومتی رویئے سے متعلق قرارداد کی منظوری دیدی۔

پیر کو ایوان بالا کے اجلاس میں سینیٹر آغا شاہ زیب درانی، سینیٹر شیری رحمن، سینیٹر جاوید عباسی اور دیگر ارکان نے اس سلسلے میں قرارداد پیش کی جس کی ایوان نے اتفاق رائے سے منظوری دیدی، اپوزیشن ارکان نے مطالبہ کیا کہ بحران سے متعلق رپورٹ ایوان میں پیش کی جانی چاہیے۔