گوشت نہ کھائیں، کورونا وائرس سے بچیں، بھارتی مذہبی رہنما

کراچی (نیوز ڈیسک) بھارت میں وفاقی وزارت برائے روحانی سائنس نے کورونا وائرس سے بچائو کیلئے احتیاطی تدابیر کا مشورہ دیا ہے۔

ہندو مذہبی رہنما رامپال نے اتوار کے روز دعویٰ کیا کہ گوشت کھانا خدا کے اصولوں کے خلاف ہے ، خدا نے ہمیں صرف پھل اور سبزیاں کھانے کا حکم دیا ہے اسی لئے گوشت کھانے سے پرہیز کریں اور کورونا وائرس سے بچیں ۔

رامپال کا مزید کہنا تھا کہااگر ہم خدا کے حکم کی نافرمانی کریں گے تو پھر کرونا وائرس جیسی بیماریاں پھیلیں گی ۔

اس سے قبل ہندومہاسبھا کے صدر چکر پانی کا کہنا تھا کہ پوری دنیا کرونا وائرس سے خوف زدہ ہے انہیں چاہیے کہ کرونا وائرس کے علاج کیلئے گائے کا پیشاب اور گائے کا گوبر استعمال کریں۔ سوامی چکرپانی نے عجیب مشورہ دیتے ہوئے کہاکہ دنیا کو اب کرونا وائرس سے ڈرنے کی ضرورت نہیں ہے۔

اس کا علاج گائے کے گوبر اور پیشاب میں ہے۔ سوامی چکر پانی نے کہا متاثرہ افراد کو چاہیے کہ وہ یگنی (پوجہ کی طرح کی تقریب) کا اہتمام کریں ۔

ان کا کہنا ہے کہ جو لوگ متاثر نہیں ہیں انہیں بچنے کیلئے گائے کے گوبر اور پیشاب کو اپنے جسم پر لگانا چاہیے۔

اس طرح سے کرونا وائرس سے بچا جا سکتا ہے۔ان کا مزید کہنا ہے بہت ہی جلد ایک بڑی تقریب منعقد کی جائے گی ۔