بھارت سے خود ساختہ، جعلی حملے کا اندیشہ ہے، وزیر اعظم

وزیراعظم عمران خان کا کہنا ہے کہ پاکستان کو بھارت کی جانب سے ایک خود ساختہ، جعلی حملے کا سخت اندیشہ ہے۔

سماجی رابطے کی ویب سائٹ ٹوئٹر پر اپنے ایک بیان میں وزیراعظم عمران خان نے خبردار کیا کہ اگر بھارت نے لائن آف کنٹرول پر عسکری حملوں میں نہتے شہریوں کے بہیمانہ قتل عام کا سلسلہ جاری رکھا تو پاکستان کیلئے سرحد پر خاموش تماشائی بنے بیٹھے رہنا مشکل ہو جائے گا۔

جنگ بندی لکیرکے اس پار نہتے شہریوں پر مقبوضہ بھارتی افواج کے شدت پکڑتے اور معمول بنتےحملوں کے پیش نظر لازم ہے کہ سلامتی کونسل عسکری مبصر مشن (UNMOGIP) کی مقبوضہ کشمیر میں فی الفور واپسی کیلئے بھارت سے اصرار کرے۔ہمیں ہندوستان کی جانب سے ایک خودساختہ/جعلی حملے کا سخت اندیشہ ہے۔

— Imran Khan (@ImranKhanPTI) January 19, 2020

انہوں نے کہا کہ نہتے شہریوں پر بھارتی افواج کے معمول بنتے حملوں کے پیش نظر لازم ہے کہ سلامتی کونسل، عسکری مبصر مشن (UNMOGIP) کی مقبوضہ کشمیر میں فی الفور واپسی کے لیے بھارت پر دباؤ ڈالے۔