چینی صدر کی جانب سے پروفیسر عطا الرحمن کیلیے چین کا اعلیٰ سائنٹیفک ایوارڈ

کیمسٹری کے شعبے میں نمایاں خدمات کے اعتراف میں چین نے پاکستانی پروفیسر ڈاکٹر عطا الرحمان کو چین کے اعلیٰ ترین سائنٹیفیک ایوارڈ سے نوازا ہے۔ چین کے دارالحکومت بیجنگ کے دا گریٹ پیپل ہال میں صدر شی جن پنگ نے پروفیسر عطا الرحمان کو ایوارڈ دیا۔

پروفیسر ڈاکٹر عطا الرحمان نے آرگینک کیمسٹری، جینیٹکس، فارماکولوجی، اگریکلچر سائنسز، وائرولوجی، نینو ٹیکنالوجی سمیت دیگر ابھرتے ہوئے شعبوں میں چین کے ساتھ کام کیا ہے۔چین کا اعلیٰ ترین سائینٹیفیک ایوارڈ دنیا کے صف اول کے سائنسدانوں کو دیا جا چکا ہے جن میں نوبیل انعام یافتہ سائنسدان بھی شامل ہیں۔۔

پروفیسر عطاء الرحمن پاکستان کے سب سے زیادہ ایوارڈ یافتہ اور بہترین سائنس دان ہیں،ڈاکٹر عطا الرحمان نے تمغہ امتیاز ، ستارہ امتیاز ہلال امتیاز اور اعلی ترین قومی ایوارڈ نشان امتیاز سمیت 4 سول ایوارڈ حاصل کیے ہیں،

ڈاکٹر عطا الرحمان کے پاس 1250 سے زیادہ بین الاقوامی اشاعتیں ہیں جن میں امریکہ اور یورپ میں 341 کتابیں شامل ہیں، چین اور ملائشیا نے ان کے بین الاقوامی شہرت کے اعتراف میں ان کے نام پر بڑے تحقیقی مراکز قائم کیے۔