ایک گھنٹے میں 300 پیزا بنانے والی مشین تیار

امریکی کمپنی ’پکنک‘ نے ایک خاص پیزا مشین تیار کی ہے جو ایک گھنٹے کے اندر کے 300 پیزا تیار کرسکتی ہے۔
پیزا روبوٹ اگلے سال لاس ویگاس میں ایک نمائش میں پیش کیا جائے گا جسے پکنک کمپنی نے تیار کیا ہے۔

اس روبوٹ کو بنیادی طور پر لوگوں کی بڑی تعداد کی ضروریات پورا کرنے کے لیے بنایا گیا ہے ۔

اتنی عمدہ اور تیز کارکردگی کے باوجود بھی یہ بہت زیادہ جگہ نہیں گھیرتا اور اپنے کام کے لیے مصنوعی ذہانت اور ڈیپ لرننگ کا استعمال کرتا ہے۔ یہ پورا سسٹم کسی فریج کی طرح اپنے بل پر کھڑا ہوجاتا ہے اور اسے خاص طور پر نصب کرنے کی ضرورت پیش نہیں آتی۔

یہ روبوٹ پیزا کے علاوہ موٹی روٹی، شوارما روٹی اوربن بھی تیار کرسکتا ہے۔